ജീവിതചിത്രം
ഒരുപാടു നാളായി പൂവിടാന്‍ മടിച്ചുനില്‍ക്കുന്ന ഒരു ചെടി,പേരും നാളും കുലവും ജാതിയുമൊന്നും അറിയില്ല.വല്ല പാഴ്ചെടിയും ആയിരിക്കുമെന്നു കരുതി.പക്ഷേ എന്നെ തെല്ലൊന്ന് അമ്പരപ്പിച്ചുകൊണ്ട് ഒരു ദിവസം ആ ചെടിയില്‍ ഒരു കുഞ്ഞന്‍ മൊട്ടു വിരിഞ്ഞു .അന്ന് ഒരു കൌതുകത്തിനു ഞാനത് ക്യാമറയിലാക്കി .പിന്നെ പിന്നെ അതിന്‍റെ പരിചരണം ഞാന്‍ ഏറ്റെടുത്തു .ഒരു കുഞ്ഞുകുട്ടിയുടെ ഉത്സാഹത്തോടെ എന്നും രാവിലെ ആ ചെടിയുടെ മൊട്ടില്‍ നിന്നും പൂവിലേക്കുള്ള വളര്‍ച്ച ഞാന്‍ നോക്കി നിന്നു .ആ വളര്‍ച്ചയുടെ ഓരോ ഘട്ടവും ഞാന്‍ ക്യാമറയില്‍ പകര്‍ത്തി .ഓരോ ദിവസവുമുള്ള ആ പൂവിന്‍റെ ഓരോ ഭാവങ്ങളും ഒരു മനുഷ്യന്‍റെ ജീവിതയാത്രയുമായി അഭേദ്യമായ ബന്ധമുള്ളത്ത് പോലെ എനിക്ക് തോന്നി ..അല്ല......അതൊരു തോന്നല്‍ മാത്രമല്ല ...അതല്ലേ സത്യം .അതെ അതുതന്നെയാണ് ഈ ഭൂമി നമുക്ക് നല്‍കുന്ന പാഠവും ................!!!!!!
